Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Си-ен-ен: Протекоа американски разузнавачки податоци за израелски напад на Иран
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > СВЕТ > Си-ен-ен: Протекоа американски разузнавачки податоци за израелски напад на Иран
СВЕТ

Си-ен-ен: Протекоа американски разузнавачки податоци за израелски напад на Иран

Објавено October 20, 2024 21:05
Сподели
Сподели

Соединетите Американски Држави го истражуваат протекувањето на високо доверливи разузнавачки податоци кои се однесуваат на израелски планови за напад на Иран, тврдат три лица запознаени со случајот, јавува Си-ен-ен. Едно од тие лица ја потврдило автентичноста на документите.

Истекувањето на документите е исклучително загрижувачко, изјави американскиот службеник за Си-ен-ен.

Документите од 15 и 16 октомври почнаа да кружат по интернет вчера откако беа објавени на Телеграм преку профилот Блискоисточен набљудувач (Middle East Spectator).

Означени се како строго доверливи и носат ознака која упатува дека се наменети исклучиво за САД и нивните сојузници од мрежата „Пет очи“ – Австралија, Канада, Нов Зеланд и Британија.

Во нив се опишуваат подготовките кои Израел, по сè изгледа, ги презема за напад на Иран. Еден од документите, составен од Националната агенција за геопросторна разузнавачка служба (НГА), наведува дека плановите вклучуваат преместување на израелско оружје.

Друг документ, заснован на податоци на Националната безбедносна агенција (НСА), ги опишува израелските воени вежби на воздухопловните сили кои вклучуваат ракети воздух-земја, а за кои исто така се верува дека се дел од подготовките за напад на Иран. Си-ен-ен не ги цитира ниту ги покажува документите.

Истрагата за можна кражба на доверливи документи на Пентагон е насочена кон идентификување на лицата кои имале пристап до документите, потврдил американскиот извор. Секоја слична ситуација автоматски би почнала истрага на ФБИ, со вклучување на Пентагон и американските разузнавачки агенции. ФБИ одбил да го коментира случајот.

Протекувањето на доверливите документи се случува во исклучително чувствителен момент, пишува Си-ен-ен, во односите на САД и Израел, а речиси сигурно ќе предизвика гнев на Израел, кој планира напад на Иран како одговор на иранскиот ракетен напад на 1 октомври.

„Ако е точно дека тактичките планови на Израел за напад на Иран протекле, тоа е сериозен безбедносен пропуст“, изјави Мик Малрој, поранешен заменик помошник на министерот за одбрана за Блискиот Исток и пензиониран офицер на ЦИА.

Малрој додал дека идната координација меѓу САД и Израел би можела да биде доведена во прашање. „Довербата е клучна компонента на односите, и во зависност од начинот на кој се случило протекувањето, таа доверба може да биде нарушена“.

Друг американски извор кажа дека објавените документи се лоши, но не и страшни. „Ќе нè загрижи ако има уште“, кажал тој.

Сè уште не е јасно како документите станале јавни, ниту дали се хакирани или намерно проследени. САД се веќе на висок степен на готовност поради иранските хакерски напади – американските разузнавачки агенции во август објавија дека Иран хакирал документи од предизборната кампања на Доналд Трамп.

Големото протекување на американски разузнавачки информации минатата година исто така ги наруши односите на Вашингтон со сојузниците, вклучувајќи ги Јужна Кореја и Украина, откако 21-годишен припадник на американската воздухопловна национална гарда објави строго доверливи информации на платформата Дискорд.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија (ФОТО) Надал за пензионирањето го доби најспектакуларниот и најскапиот подарок во Саудиска Арабија
Следна Статија Хотел бара „директор за храна“, дава 15.000 долари, еве кои се работните обврски

БИ МОЖЕЛО ДА ВЕ ИНТЕРЕСИРА

СВЕТ

(Видео) Снимен моментот на земјотресот во Истанбул во емисија во живо, новинарката во паника

Моментот на земјотресот во Истанбул со јачина од 6,2 степени според Рихтеровата скала беше снимен во емисија во живо. На…

April 23, 2025
СВЕТ

За 24 часа, се јавиле 12 000 жртви и сведоци во случајот со Пи Диди: ​​Адвокат отвори телефонска линија за пријавување на контроверзниот рапер

Адвокатот Тони Базби, кој планира да поднесе тужба против уапсениот Шон П. Диди во име на 120 жртви на сексуален…

October 4, 2024
СВЕТ

Трамп одржа митинг во Медисон Сквер Гарден во Њујорк, говореа Хулк Хоган, Руди Џулијани, Карлсон Такер, Илон Маск… (ВИДЕО)

Републиканскиот претседателски кандидат Доналд Трамп вчера го предводеше предизборниот митинг во Медисон Сквер Гарден во Њујорк, кој започна со серија…

October 28, 2024
СВЕТ

Трамп: Можна е средба со Зеленски следната недела, сакам да разговарам и со Путин

Американскиот претседател Доналд Трамп денеска изјави дека очекува следната недела да се сретне со украинскиот претседател Володимир Зеленски и оти…

February 8, 2025
Trending

Technology

  • Innovate
  • Gadget
  • PC hardware
  • Review
  • Software

Health

  • Medicine
  • Children
  • Coronavirus
  • Nutrition
  • Disease

Culture

  • Stars
  • Screen
  • Culture
  • Media
  • Videos

More

  • ХОРОСКОП
  • СВЕТ
  • ЗДРАВЈЕ
contact@trending.mk

© Trending.mk  |  All Rights Reserved.

Welcome Back!

Sign in to your account

Username or Email Address
Password

Lost your password?