Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Соработка на ИСОС со Светска Банка: Едукацијата има клучно значење за развојот на сметководствената професија
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ЕКОНОМИЈА > Соработка на ИСОС со Светска Банка: Едукацијата има клучно значење за развојот на сметководствената професија
ЕКОНОМИЈА

Соработка на ИСОС со Светска Банка: Едукацијата има клучно значење за развојот на сметководствената професија

Објавено November 18, 2024 18:20
Сподели
Сподели

Трансфер на напредно знаење и практични искуства за најновите Меѓународни стандарди за финансиско известување (МФСИ) заради нивна ефикасна примена во нашата земја, беше главната цел на стручната работилница, која од 12 до 15 ноември 2024 се одржа во Скопје, во организација на Центарот за реформа на финансиско известување на Групацијата на Светска Банка и Институтот на сметководители и овластени сметководители (ИСОС).

Работилницата беше првенствено наменета за лиценцираните друштва кои вршат обуки за континуирано професионално усовршување во областа на сметководството и за претставници на академската заедница и државните институции во областа на финансиите, а учество во настанот можеа да земат и претставници од сметководствените бироа и сметководители од земјата, како и од Институтите и Сојузите на сметководители и ревизори од регионот.

Учесниците на оваа работилница имаа можност да стекнат сеопфатно разбирање за ажурираните меѓународни стандарди за финансиско известување (МСФИ), надополнети со практични примери од неколку студии на случај, со што се зголемуваат нивните знаења и способности за ефективна имплементација на овие стандарди во нивните професионални улоги. Очекувањата се дека оваа обука ќе придонесе за зголемување на капацитетите на лиценцираните обучувачи за МСФИ во земјава, како и севкупно подобрување на квалитетот на финансиските извештаи кои се изработуваат според меѓународните сметководствени стандарди.

„Одржувањето на оваа четиридневна стручна работилница уште еднаш покажа дека континуираната едукација има навистина големо влијание и може значајно да го подигне квалитетот на сметководствените услуги. Овој настан беше одлична можност за претставниците од лиценцираните друштва за вршење обуки, од сметководствените бироа и од надлежните институциите во областа на финансиите, да се запознаат со новините во  меѓународните стандарди за финансиско известување, да слушнат практични примери и искуства од нивната примена и истовремено да добијат одговори на дилемите и предизвиците со кои се соочуваат во нивната секојдневна работа“, изјави претседателката на ИСОС Весна Прентоска, искажувајќи благодарност до експертите кои ја вршеа обуката, како и до претставниците на Центарот за реформа на финансиско известување на Групацијата на Светска Банка, за нивната улога и посветеност во успешното организирање на оваа работилница.

Инаку, работилницата посветена на имплементацијата на Меѓународните стандарди за финансиско известување, која воедно е прва од ваков вид во нашата земја, беше спроведена од страна на експерти од Центарот за реформа на финансиско известување (CFRR) на Светска Банка, како дел од нејзината Програма за подобрување на сметководството, ревизијата и известувањето за одржливост (EAASURE), финансирана од Министерството за финансии на Република Австрија и Државниот Секретаријат за економски прашања на Швајцарската Конфедерација.

За време на нивниот престој во земјава, претставниците на Центарот за реформа на финансиско известување на Групацијата на Светска Банка имаа средба и со членовите на управниот одбор на ИСОС, на која се разговараше за актуелните состојби и предизвиците со кои се соочува сметководствената професија во земјата, а се разгледаа и можностите и областите за натамошно продлабочување на соработката помеѓу двете организации, во насока на натамошно зајакнување на капацитетите на сметководствената професија, зголемување на квалитетот на финансиското известување и унапредување на статусот на професионалните сметководители во нашата земја.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Доаѓа снежна бура со интензивни временски услови!
Следна Статија Меџити: Не постои Закон за албански јазик за да може да се каже дека се укинува

БИ МОЖЕЛО ДА ВЕ ИНТЕРЕСИРА

ЕКОНОМИЈА

РКЕ утре ќе ја соопшти цената на струјата што ќе важи од јануари

Регулаторната комисија за енергетика утре на прес-конференција ќе ги соопшти одлуките поврзани со цената на преносниот и дистрибутивен систем за…

December 1, 2024
ЕКОНОМИЈА

Мицкоски најави дефанзивни мерки ако производителите, дистрибутерите и ланците на маркетите не почнат со почитување на граѓаните и договореното со Владата

Премиерот Христијан Мицкоски, најави дефанзивни мерки ако производителите, дистрибутерите и ланците на маркетите не почнат со почитување на граѓаните и…

February 9, 2025
ЕКОНОМИЈА

АД ЕСМ: Два термоблока во РЕК Битола исклучени од мрежа, во тек се операции за вклучување на ТЕ Битола

Термоелектраната „Битола 2“ е исклучена од функција изутрината во 8:22 часот поради активирана заштита. Шест минути подоцна, од електроенергетската мрежа…

December 20, 2024
ЕКОНОМИЈА

Ристески: Мерките со ограничени маржи на производите кои истекуваат на 30 април дадоа ефекти

Двете одлуки кои ги донесе Владата за ограничување на бруто профитните маржи кои овојпат беа скалести, 5, 10 и 15…

April 24, 2025
Trending

Technology

  • Innovate
  • Gadget
  • PC hardware
  • Review
  • Software

Health

  • Medicine
  • Children
  • Coronavirus
  • Nutrition
  • Disease

Culture

  • Stars
  • Screen
  • Culture
  • Media
  • Videos

More

  • ХОРОСКОП
  • СВЕТ
  • ЗДРАВЈЕ
contact@trending.mk

© Trending.mk  |  All Rights Reserved.

Welcome Back!

Sign in to your account

Username or Email Address
Password

Lost your password?