Си-Би-Ес Њуз го уредуваше интервјуто со Камала Харис на тој начин што го отсекле нејзиниот одговор за ситуацијата на Блискиот Исток и го замениле со пократок, посуштински и дециден одговор кој го заменил помалку кохерентниот, пишува британски Телеграф. Потсетуваме, Камала Харис даде традиционално интервју за програмата на Си-би-ес 60 минути, кое во оваа прилика беше скратено на само 20 минути со опширна нарација на новинарка која често зборуваше за замолчените одговори на Камала. Во неделата мрежата прикажа клип од интервјуто, кое наиде на жестоки критики. Во меѓувреме, пишува британски Телеграф, се појавила немонтирана снимка од еден од одговорите на американската потпретседателка, а се однесува на ситуацијата на Блискиот Исток. „Работата што ја направивме таму резултираше со голем број движења во тој регион од страна на Израел кои во голема мера беа поттикнати или резултат на многу работи, вклучително и нашето застапување за она што треба да се случи во регионот“, рече Камала во неизменета верзија.
Но, во интервјуто што се емитуваше во понеделникот на CBS, Камала дава многу пофокусиран одговор. „Нема да престанеме да го правиме она што е неопходно за да се стави крај на оваа војна“, рече Камала во изменета верзија. Републиканците, Доналд Трамп и неговиот тим, се разбира, се бесни. Пишувајќи на Truth Social, Трамп истакна дека мрежата ги „исецкала“ нејзините одговори „за да ја направи да изгледа попретседателска“. „Ова е непоправлива дамка на угледот на 60 минути“, напиша Трамп. „Никогаш не сум слушнал вакво нешто да се прави во вестите. Тоа е самата дефиниција за лажни вести!
Трамп потоа го побара целиот транскрипт од 60-минутното интервју. Каролин Левит, портпаролка на кампањата на Трамп, рече дека интервјуто е уредено „за да се минимизираат идиотските одговори на Камала“. „Американскиот народ заслужува целосен, нередактиран транскрипт од интервјуто на Камала“, рече таа. „Ги повикуваме 60 Minutes и CBS да го објават. Што имаат тие и Камала да кријат? Британски Телеграф во меѓувреме контактираше со CBS за коментар.
Remember Kamala’s word salad answer about Israel on 60 Minutes? It’s gone.
This is what many Americans will now see. pic.twitter.com/H4w7btDv6x
— MAZE (@mazemoore) October 8, 2024
