Франција е најпосетуваната земја во светот од туристи. Минатата година забележа 100 милиони странски посетители, изјави во вторникот министерката за туризам Натали Делат. Шпанија бележи помалку туристи(94 милиони), но забележа поголем профит од туризмот.
Франција има „многу силна конкуренција“ во форма на Шпанија, која „успеа да генерира повеќе приходи“ од туризмот со помалку посетители. Нејзиниот профит достигна 126 милијарди евра, додека приходите на Франција изнесуваат 71 милијарда евра.
„Ова делумно се должи на фактот што посетителите во Шпанија остануваат подолго отколку во Франција“, објасни таа, признавајќи дека Франција треба да ги натера странците да останат подолго, што би го зголемило просечниот приход по турист.
Во последните две години значително е зголемен бројот на туристички ноќевања во земјите од Европската унија. Најголем раст е забележан во Луксембург, Малта и Латвија, додека Франција и Белгија забележаа благ пад.
Според податоците на Евростат, вкупно 2,99 милијарди ноќевања се регистрирани во туристичко сместувачки капацитети низ ЕУ во 2024 година, што претставува зголемување за 53,4 милиони ноќевања или 2% во споредба со претходната година.
Растот главно се должи на зголемувањето на бројот на ноќевања на странски туристи, додека ноќевањата на домашните гости се благо намалени.
Хотелите остануваат најпопуларно сместување, со 1,9 милијарди ноќевања, што претставува 63% од вкупниот број. Апартманите за одмор и приватното краткорочно сместување забележале 711 милиони ноќевања (24%), додека камповите забележале 396 милиони ноќевања, 13% од вкупниот број.
Споредувајќи ги 2023 и 2024 година, повеќето земји од ЕУ бележат пораст на туристичките ноќевања. Најголеми зголемувања се забележани во Луксембург (22%), Малта (13%) и Литванија (7%).
