Во Бања Лука вечерва е убиен Дејан Костиќ – Дела, водач на навивачката група „лешинари“.
Според информациите од медиумите во регионот, дошло до пукање во бањалучкиот ресторан „Стара Ада“, при што бил убиен Дејан Костиќ.
Местото е под строга контрола на полицијата и брзата помош, јавува АТВ.
Дејан Костиќ – Дела ѝ стана познат на јавноста откако малтретираше келнер, а снимката стана достапна за јавноста.
Тој беше осуден на парична казна од 9.000 КМ за кривично дело злоупотреба, тортура и друго нехумано и понижувачко однесување.
Костиќ претходно се претставуваше како водач на навивачи на ФК Борац.
