Адвокатот Тони Базби, кој планира да поднесе тужба против уапсениот Шон П. Диди во име на 120 жртви на сексуален напад, го пријави бројот на повици и извештаи за нови случаи против раперот.
Имено, тој тврди дека телефонската линија што ја поставил на почетокот на неделава била преплавена со неверојатни 12.000 повици за околу 24 часа.
„Од вчерашната прес-конференција, за околу 24 часа имавме 12.000 повици“, рече Базби.
Имено, на овој начин адвокатот им овозможил на жртвите кои се уште не ја кажале својата страна од приказната и кои не се осмелиле да го пријават злоставувањето извршено од познатиот рапер, да контактираат со него.
„Нашата задача е да се обидеме да го прочешламе секој од овие повици и да ги идентификуваме жртвите и оние што се сведоци и на тој начин да собереме докази“, рече адвокатот, додавајќи дека речиси 100 луѓе работат на случајот на Диди, пренесува Њујорк пост.
„120-те тужби за кои зборувавме пред неколку дена, тоа се тужби што би можеле да ги поднесеме против Комбс веднаш, но сакаме да се погрижиме да собереме се што можеме“, додаде адвокатот.
