Утрово во кафуле во Крапина, Хрватска се случи пукање, а според извештајот на полициската управа Крапино-Загорје, маж (52) пукал и убил полицаец (52), кој во времето на инцидентот не бил на должност. Потоа тој се застрелал и со хеликоптер бил префрлен во болницата Дубрава.
Како што дознава Индекс, убиен е началникот на Службата за криминалистичка полиција во Полициската управа Крапино-Загорје, Роберт Грилец. Состојбата на сторителот во моментов е непозната. Во тек е кривична истрага и увид на лице место за да се утврдат сите околности на овој инцидент.
Портпаролот на Полициската управа Крапино-Загорје, Звонимир Лончар, потврди за Хина дека убиениот началник на криминалистичката полиција не бил на должност.
„Нешто по осум часот наутро, полицаец кој не бил на должност бил застрелан во ресторан во Крапина. Сторителот бил повреден со истото огнено оружје, а потоа бил префрлен со хеликоптер во Регионалната болница Дубрава. Полициските службеници се на местото на настанот и ги утврдуваат сите околности на инцидентот“, рече Лончар.
Убиениот полицаец е жител на Крапина, како и сторителот, и биле соседи.
