Државата ќе дава 615 милиони денари за млади кои сакаат да започнат сопствен бизнис, 1,25 милиони денари за повратници од странство, 3.000 денари додаток на плати на млади кои работат во производство. Ова се само дел од мерките и програмите кои се содржани во Оперативниот план за вработување за 2026 година, со кој се предвидени речиси 40 милиони евра за поддршка на самовработување, отворање нови работни места, обуки, намалување на невработеноста…, а се опфатени над 10 илјади граѓани.
Како што изјави министерот за економија и труд Бесар Дурмиши со Оперативниот план за вработување за 2026 година се планира отварање на нови работни места, поддршка на домашната економија и подобрување на животниот стандард на граѓаните.
-Главен фокус на Планот се младите, жени, долгорочно невработените и лицата со попреченост. За лицата кои сакаат да започнат сопствен бизнис и да останат во државата предвидени се 616 милиони денари, 1,25 милиони денари за граѓаните кои заминале во странство и кои сакаат да се вратат, 1,25 милиони денари за компании кои отвараат нови работни места. На овој начин се помагаат и се дава директна поддршка на малите и средни претпријатија, изјави Дурмиши.
Тој додаде дека исто така се даваат средства за практиканство, односно за квалификации и преквалификации согласно потребите на пазарот на трудот. Целта е да се создаде квалификувана работна сила која ќе одговори на современите потреби.
-Исто така се предвидува и додаток на плата по 3.000 денари на млади до 23 години кој работат во производствените дејности. Ова се конкретни мерки и политики кои ќе создадат реални можности за вработување, појасни Дурмиши.
И директорот на Агенција за вработување, Аднан Ејуп со Оперативниот план за вработување ќе им помогнеме на младите да најдат квалитетни работни места.
-Ова не е само документ туку конкретен чекор за зголемување на вработеноста. Мерките се прилагодени на нашето општество и на потребите на економијата и се резултат на долгогодишни анализи и консултации на сите засегнати страни. Наша обврска е да ја намалиме невработеноста и да создадеме поволни услови за раст на економијата. Сакаме нашите граѓани да бидат вработени во државата и да придонесат за нејзиниот економски развој, а не да се ислеуваат, изјави директорот на Агенцијата, Ејуп.
Тој потенцираше дека мерките кои ќе се реализираат во 2026 години преку 30-те центри на Агенцијата се поделени во две групи: активни мерки и програми кои водат до директно вработување и активни мерки и програми кои ја зголемуваат вработеноста кај невработените лица.
-Најбарани програми се оние за поддршка на самовработување. Финансиската поддршка ќе се дава на 2043 лица, од кои на 833 лица до 29 години поддршка за самовработување од 10 илјади евра, а на 660 илјади лица кои ќе бидат вклучени во поддршката за самовработување – 7 илјади евра. Ако се здружат два корисници во еден правен субјект може да добијат до 1,25 милиони денари, додаде Ејуп.
Со Планот се предвидува директно да бидат 1.385 лица да бидат дирекно вработени со поддршка од 1,25 милиони денари. Преку посебен фонд е предвидено вработување на 150 лица со попреченост. Дел од Оперативниот план за вработување се и обуките на лицата за поуспешна имплементација на пазарот на трудот. Тука се обуки за стручни квалификации на 224 лица и обуки за практиканство на 1.150 лица.
Првите јвни огласи се очекува да бидат објавени во најскоро време, а останатите ќе бидат објавувани етапно.
