После официјализацијата на повлекувањето од Влада од страна на Алијанса за Албанците крилото на Таравари, се огласи Изет Меџити. По објавувањето на Таравари дека се враќаат кај народот, Меџити му „контрираше“ дека не се враќа кај народот, туку се враќа на црната листа.
„Не ја донесовте промената, ја спречивте промената. Не се враќате кај народот, се враќате на црната листа. Не ја напуштате владата, ја предадовте Владата. Вие не го преставувате духот на членството на АА, туку го измамивте членството на АА. Не сте херојот на секоја приказна, вие сте очајот на секој Албанец, кој гласал и поддржал промени. ВЛЕН го продолжува патот на промените. Ги покануваме сите активисти, симпатизери и гласачи кои се чувствуваат измамени, предадени и оставени на средина на патот без насока. Политичкиот компас на промените е ВЛЕН. Дојди со нас!“, напиша Меџити на статус на „Фејсбук“.
