Најмалку 22 лица загинале, а тројца се повредени во пожар во ресторан во северниот кинески град Лиjаојанг, соопштија локалните власти.
Не е наведена причина за пожарот.
Како што пренесе Бета, голем број регионални политичари ветиле дека истрагата ќе биде целосна и оти одговорните ќе бидат строго казнети.
Лијаојанг е во „појасот на ’рѓа“, поранешен индустриски центар кој западна во тешкотии, со огромен одлив на население.
Пожарите се честа појава во Кина, обично затоа што персоналот ги игнорира прописите поради лоша обука или притисок од претпоставените.
Лошо одржуваната инфраструктура, нелегално складираните хемикалии и недостигот на противпожарни излези и средства за гаснење се фактори што водат до вакви катастрофи, а сите тие често се поттикнати од корупција.
22 people dead and 3 injured after a #fire broke out at a restaurant near a resettlement housing complex in Liaoyang, #Liaoning Province. The investigation is ongoing. #China pic.twitter.com/AfFQ2zPS12
— Shanghai Daily (@shanghaidaily) April 29, 2025
