Просечната бруто плата во март годинава во Црна Гора изнесувала 1.195 евра, додека просечната плата без даноци и придонеси (нето) изнесувала 1.003 евра, објави Дирекцијата за статистика МОНСТАТ.
„Просечната нето плата во март во споредба со февруари бележи раст од 0,1 процент, додека во споредба со истиот месец од претходната година, бележи раст од 21,6 проценти.“
„Ако се земе предвид дека потрошувачките цени во март во споредба со февруари забележаа раст од 0,3 проценти, следува дека реалната заработка за истиот период се намалила за 0,2 проценти“, посочија од МОНСТАТ.
Најголемо месечно зголемување на просечните плати е забележано во бизнисот со недвижности (17 проценти), а најголемо намалување на платите е забележано во секторот за снабдување со електрична енергија, гас, пареа и климатизација (5,2 проценти).
Просечните плати во регионот
Просечната месечна нето-плата по вработен во Северна Македонија во февруари 2025 година достигна 43.053 денари, односно околу 700 евра, покажуваа најновите податоци на Државниот завод за статистика (ДЗС). Ова претставува зголемување од 9,6 проценти во однос на истиот месец минатата година.
Имајќи предвид дека просечната плата во Србија, според официјалните податоци за февруари, изнесувала 103.519 динари, следува дека црногорскиот просек е за околу 15.000 динари, или околу 130 евра повисок од српскиот.
Во Грција, пак, просечната месечна плата изнесува 1.342 евра, но економистите истакнуваат дека и покрај позитивните трендови, таа сè уште е за околу 10% пониска од нивото пред кризата во 2010 година. Владата најави планови за зголемување на минималната плата на 950 евра, со цел просекот да достигне 1.500 евра.
Бугарија пак има просечна бруто месечна плата (декември 2024): 2.468 лева (~1.261 евра), а просечна нето месечна плата (декември 2024): 1.915 лева (~980 евра)
Овие податоци се преземени од Националниот статистички институт на Бугарија и се однесуваат на декември 2024 година .
Во Албанија просечна бруто месечна плата (четврти квартал 2024): 83.401 леки (~830 евра)
Според податоците од Институтот за статистика на Албанија (INSTAT), ова претставува зголемување од 11,2% во споредба со истиот период претходната година .
