Српскиот претседател Александар Вучиќ ги покани, како што рече, претставниците на „Студентите во блокада“ на дебата пред сите камери.
„Предлагам разговор и дебата на сите наши телевизии и портали, со легитимни претставници што тие ќе ги изберат. Јас сум подготвен против… и не против, се извинувам, и тоа е она што ги потврдува моите грешки… Јас сум подготвен да влезам во дијалог, дебата јавно, со три или четири лица кои размислуваат поинаку. Тие имаат право да го бараат ова од својот претседател, вклучувајќи избори и сè друго“, рече Вучиќ.
Како што рече, тој ќе биде подготвен да ги сослуша.
Не да ги победам во некаков вид ТВ дебата, туку да најдеме решенија заедно. Време е да ги покажеме лицата на секој од нас, да ги покажеме нашите лица и програми. Сакам да се бориме за визии, борба за иднината, да ја решиме преку дијалог и разговор, без конфликти и насилство. Да ја обновиме земјата повторно и да ја вратиме на вистинскиот пат и луѓето да бидат задоволни. Ќе се потрудам да покажам тоа со почитување“, рече тој.
