Српскиот претседател Александар Вучиќ најави дека оваа година во Србија ќе се одржат избори, посочувајќи го периодот меѓу октомври и декември како најреален термин за нивно одржување. Во гостување на телевизијата Блиц, тој истакна дека изборниот процес наесен е многу поверојатна опција отколку пораните термини.
Одиме на избори оваа година, а еве тие победуваат со огромна предност, тоа е вистина. Мислам дека изборите ќе бидат наесен, тоа е поверојатна опција, изјави Вучиќ во коментар за политичките прилики во земјата.
Претседателот не ја исклучи можноста дополнително да го забрза процесот преку поднесување оставка од функцијата претседател на Србија. Доколку се случи вакво сценарио, тоа би значело истовремено одржување и на парламентарни и на претседателски избори во земјата.
Во рамки на интервјуто, Вучиќ се осврна и на контроверзниот случај Генералштаб, кој е во фокусот на српската јавност. Тој децидно изјави дека е подготвен да преземе целосна одговорност за овој случај и дека не очекува никакви привилегии.
Јас имам апсолутна одговорност за случајот Генералштаб, апсолутна одговорност и чекам да поднесат обвинение против мене. Нема да си дадам помилување, ќе им го дадам на сите други, нема на себе, порача српскиот претседател.
Со оваа најава, политичката атмосфера во Србија влегува во фаза на неизвесност, со оглед на потенцијалното предвремено завршување на неговиот тековен мандат и спојувањето на повеќе изборни циклуси во еден.
