Производителот на луксузни автомобили Порше во четвртокот објави дека планира да укине околу 1.900 работни места во две фабрики во нејзината матична земја Германија до 2029 година.
Планирани се отпуштања во главната фабрика на Порше во Штутгарт и во развојниот центар во Вајсах.
Работата на вработените во Порше моментално е загарантирана до крајот на деценијата, што значи дека компанијата ќе мора да ги поттикне доброволно да си заминат.
Менаџментот веќе лани почна да го намалува бројот на вработени, најавувајќи дека повеќе нема да ги продолжува договорите на „ограничено“.
На почетокот на месецот неочекувано најавија дека ќе ги отпуштат финансискиот директор Лука Мешке и главниот директор за продажба Детлев вфн Платен, без да наведат причини. Тие, исто така, посочија дека ќе го пренасочат својот фокус назад кон возилата со мотори со внатрешно согорување.
Германскиот производител на луксузни автомобили е особено погоден од тензиите во трговските односи меѓу Кина и ЕУ.
Брисел воведе дополнителни царини за увоз на електрични автомобили во Кина минатата есен, а Пекинг навести дека може да одговори со зголемување на тарифите за бензинските седани и теренците со мотори поголеми од 2,5 литри.
Кина сочинува четвртина од глобалната продажба на Porsche.
Компанијата во јануари објави дека лани испорачала 28 отсто помалку автомобили во Кина отколку во 2023 година, пренесува Пословни дневник.
