Чварките се неопходен дел од гастрономската понуда во регионот. Подготовката започнува со топење на свинска маст, а завршува со крцкави парчиња кои потоа се пресуваат.
Во Хрватска, тие се особено ценети во Славонија, Барања и Меѓумурје, каде што најчесто се произведуваат. За овој деликатес се организираат специјални настани, како што е Чваркијада, каде што производителите се натпреваруваат во вештината на подготовка и нудат разни видови чварки.
Минатата година, цената достигна 30 евра за килограм во ноември, а прогнозите за оваа сезона воопшто не се оптимистички. Се очекува дека може да се пробие тој праг.
На загрепскиот пазар, килограм од овој традиционален специјалитет чини 28 евра.
„Ова навистина ме изненади. Со оглед на ситуацијата со прасињата, колку прасиња ќе има околу Нова Година?“, рече мештанката.
Зголемената потрошувачка на свинско месо, намаленото производство и африканската свинска треска, која веќе ги погоди бројни славонски фарми и доведе до еутаназија на илјадници свињи, дополнително ги зголемуваат цените.
