Познатата инфлуенсерка Ина Многуфина на својот фејсбук профил сподели статус во кој сподели една необична приказна за двајца локални „супер херои“ во Дојран.
Станува збор за Самир и Бранко – најдобри другари и живеат во Дојран, за кои Ина во статусот напиша дека двајцата се невработени и преку ден чекаат дали некој ќе ги ангажира за дневница, а попладне веќе три недели го чистат каналот на Ѓавато.
Самир и Бранко се најдобри другари и живеат во Дојран. Двајцата се невработени, па преку ден чекаат дали некој ќе ги ангажира за дневница, а попладне веќе три недели го чистат каналот на Ѓавато. Сами. Двајцата. Лани забележале дека водата се излева во околните ниви, па ги исчистиле критичните точки. Сега кога разбрале дека повторно ќе се активираат пумпите, одлучиле да го средат целиот простор за да тече водата нормално во езерото, а не во околните ниви. Сами. Двајцата. Никој од жителите, ни сопствениците на нивите или некоја институција не дошла да им помогне. Имаат некаква поддршка со алати но друго би било уште неколку луѓе да има. Уште некој ден работа, сами, двајцата, ќе ја завршат целата траса од 500 метри. Барале трактор или приколка за да им помогне некој да го изнесат отпадот и тревата, не знам дали нашле. Некој ако може фино би било да им помогне, напиша инфлуенсерката, додавајќи хаштаг „МалкуПознатиЅвездиВоМакедонија“.
Инаку, според фејсбук објавите станува збор за Самир Пајтон и Бранко Караколев од Нов Дојран.
