Европската ракометна федерација (ЕХФ) донесе одлука за натпреварот со Алкалоид-АЕК во Скопје, во рамки од финалето во Европскиот Куп.
„ЕХФ Судот за ракомет увиде дека АЕК задолжително мораше да учествува на закажаниот натпревар. Со одбивање ги прекрши правилата и регулативите на ЕХФ и е виновен.
Одлуката на Судот е следната:
Резултатот од реванш дуелот од финалето на Европскиот куп на ЕХФ 2024/25 меѓу РК Алкалоид и АЕК Атина е 10-0 и 2-0 во поени. Првиот меч заврши со 29-25 за РК Алкалоид.
РК Алкалоид е победник на Европскиот куп на ЕХФ за сезоната 2024/25“, стои во соопштението на ЕХФ.
Со оваа титула, РК Алкалоид станува првиот македонски клуб што го освоил ова натпреварување, втор што подигнал европски пехар во Скопје, и трет што стигнал до трофеј во европските купови под капата на ЕХФ – по Вардар и Кометал Ѓорче Петров.
