Ноќва околу 3 часот по полноќ во полицијата било пријавено дека бил опожарен угостителски објект на подрачјето на Центар во Скопје.
Од екипа на Бригадата за противпожарна заштита Скопје пожарот бил изгаснат, а повредени лица нема, информираа од МВР.
Станува збор за познат ресторан на улицата „50-та Дивизија“ во непосредна близина на Клиничкиот Центар во Скопје, а според информациите на „Телма“ постојат сомнежи дека пожарот бил подметнат.
Полицијата изврши увид, по што се очекуваат повеќе детали.
