Претседателот на Европскиот совет, Антонио Кошта, изјави дека Република Македонија треба да ги исполни преземените обврски за да може да напредува во процесот на преговори за членство во Европската Унија.
На заедничкиот брифинг со бугарскиот премиер Росен Жељазков, Кошта изјави дека го разбира одреденото незадоволство кај Македонија поради многуте чекори што веќе ги направила – промена на Уставот, знамето и името на државата, но нагласи дека „одобреното е одобрено, договореното е договорено и мора да се исполни“.
„Во исто време, многу е важно да се изгради доверба. И да ѝ се гарантира на Македонија дека она што го очекуваме и сакаме во моментот не е само нешто што го сакаме сега и очекуваме во иднина. Нема да бараме ништо повеќе да се прави подоцна. Ова е разумно. Исклучително е важно да се изгради доверба. Тоа е една од причините зошто ги повикуваме повеќето влади да работат на специфични прашања што може да ја подобрат поврзаноста на двете страни“, рече Кошта, пренесе БНТ.
Додаде дека лично е многу вклучен во овој процес. Ги посетил и Бугарија и Северна Македонија, разговарал многупати со премиерот, со претседателот Радев, со претседателот на Македонија, со премиерот Мицкоски.
„Верувам дека по изборниот период, кој моментно е во Северна Македонија, можеме да разговараме и некако да постигнеме напредок во овој процес“, вели Кошта.
Жељазков повтори дека позицијата на Бугарија останува непроменета и дека Софија е доследна во своите ставови.
„Нашата позиција секогаш била принципиелна. Компромисното француско предлог-решение беше одобрено и од Советот и од бугарското собрание. Нема промена на нашите принципи или пристап“, нагласи тој.
Посочи дека Бугарија очекува почитување на договорот за добрососедство и вметнување на Бугарите во Уставот.
„Верувам дека жалбата до Уставниот суд на Република Македонија на потпишаниот протокол кон договорот за добрососедство беше апсолутно неоправдана, експлицитно, и е дел од консензусот од 2022 година. Никогаш не сме барале аргументи во внатрешнополитичките дебати во Република Македонија, но се надеваме дека говорот на омраза и почитувањето на правата на бугарското малцинство, вклучително и обврската да бидат вклучени во Уставот на Република Македонија, ќе бидат исполнети бидејќи тоа е предуслов за нивно продолжување по патот на полноправно членство“, додаде.
