Македонија тагува, Кичево е завиено во црно. Згаснаа животите на две ученички од Школата за музичка и културна дејност „Дрита“.
Загинаа младите Ериона Рамадани и Албина Абази.
„Со длабока тага и потресени срца ја примивме веста за загубата на нашите сакани ученички. Нивното заминување остави незаменлива празнина во нашите срца и во секој агол на училиштето“, наведуваат од ШМК „Дрита“.
Од МВР информираат дека вчера попладне било пријавено дека на локален пат во село Колибари, 15-годишна малолетничка од с.Колибари, управувајќи четирицикл со кичевски регистарски ознаки, изгубила контрола и со четирициклот излетала од коловозот.
-Од здобиените повреди на местото на несреќата починале малолетничката и нејзината малолетна сопатничка од с.Грешница, кичевско. Лекар констатирал смрт, а по наредба на јавен обвинител телата на починатите биле дадени на обдукција, велат од полицијата.
Извршен бил увид од увидна екипа на ОВР Кичево.
