Експертите ширум светот постојано советуваат што да се јаде и пие, а нивните препораки често вклучуваат листа на најнездрави намирници.
Порталот EatThis објави листа на 100-те најнездрави производи, а на самиот врв е – чипсот.
Чипсот, како што се покажа, е еден од најлошите избори за исхрана. Содржи големи количини сол, вештачки бои и адитиви, додека речиси и да нема влакна или хранливи материи. Накратко, во чипсот нема ништо корисно за организмот, а има многу штетни материи. Оваа ултра-преработена ужина може сериозно да го загрози здравјето, особено кардиоваскуларниот систем. Неговата консумација го зголемува нивото на холестерол, не дава чувство на ситост и може да содржи адитиви што експертите ги поврзуваат со зголемен ризик од рак.
Во Македонија, чипсот е исклучително популарен, особено кај младите, што е дополнителна загриженост. Штетните ефекти од нездравата храна се појавуваат дури по подолг временски период. Истражувањата покажуваат дека само неколку часа по консумацијата, крвните садови можат да претрпат негативни последици. Ако често конзумирате чипс или слични ужини, разгледајте поздрави алтернативи. Наместо тоа, посегнете по ореви, бадеми, лешници, семки од тиква или свежо овошје како банани и портокали. Мали промени во вашата исхрана можат значително да го подобрат вашето здравје.
