Хрватска влегува во една од најобемните промени во својата законска рамка во градежништвото и просторното планирање во последната деценија.
Се менуваат законите за градење и за просторно планирање кои треба да ја олеснат изградбата, но многу позначајно е тоа што се планира нелегалното градење да стане кривично дело. За тоа се планирани измени на Кривичниот законик, кои, според хрватските медиуми ќе се случат следната година.
Досега само нелегалната градба во заштитени природни подрачја беше кривично дело, казниво со 6 месеци до две години затвор. Сите други беа сведени на прекршоци и парични казни.
Министерството за просторно планирање и градежништво, како и Министерството за правда, потврдија дека секоја дивоградба ќе биде кривично дело.
– Ова е веќе договорено како дел од усвојувањето на европската директива за заштита на животната средина, која ќе се имплементира во Кривичниот законик следната година. Не би зборувал за пропишаните казни засега, но важно е сите дивоградби да бидат вклучени во Кривичниот законик и да добијат обвинение – вели соговорник на хрватски медиум.
Треба да се претпостави дека заради превенција, ќе бидат предложени затворски казни бидејќи казните досега не го спречиле нелегалното градење.
Директивата е исклучително строга. Таа, исто така, предвидува формирање на посебни оддели кои би се занимавале со кривични дела против животната средина.
Нелегалните градители не би можеле да се кандидираат за никаква јавна функција или да бидат назначени. Тие и нивните компании нема да можат да учествуваат на тендери и со тоа да имаат пристап до јавни пари.
Измените на Законот за градење предвидуваат со која се поедноставува, дигитализира и забрзува издавањето градежни дозволи е во јавна консултација, но во исто време се предвидува дека пред да се издаде дозволата, службените лица мора да излезат на терен. Во случај некој да започнал да гради пред да добие дозвола, казните се 4.000 евра за помали згради, 15.000 евра за станбени згради и еден процент од вредноста на работите за други згради. Треба да се усвои до крајот на годината.
