Фотографијата на која јасно се гледа Венко Филипче во друштво на газдата на фабриката со илегалната марихуана, Тони Котев, упатува на директна вмешаност на Филипче во шверцот со илегалната дрога. Телевизискиот настап на Филипче во кој ја негира врската со поранешниот функционер на СДС, а воедно и реалниот сопственик на фирмата „ЦБД Медплант“, Тони Котев, е уште една од низата манипулации и замајување на јавноста од страна на СДС и Филипче, кои ги разобличивме преку оваа фотографија, обвинува Бране Петрушевски, пратеник на ВМРО-ДПМНЕ.
-Евидентно од сликата на која Филипче и Тони Котев стојат рамо до рамо, како петок и сабота, укажува на доброто познанство и соработката помеѓу нив. И наместо СДС и Филипче да прават замена на тези, и да бегаат од одговорност, треба да и одговорат на јавноста зошто се толку вознемирени и хистерични за заплената на овие 30 тони дрога? Дали стравот е испровоциран од инволвираноста на Филипче и Заев во наркотрговијата? Од каде предзнаења на Филипче за тоа колку камиони се потребни за одредена количина дрога? Дали промена на Правилникот за одгледување на канабис од 2023 година ја направија за олеснување на нарко-бизнисот? И Филипче и Заев се синоним за криминал и корупција во Македонија, прашањето е колку изнесува вкупниот профит од сите криминални зделки кои ги направиле за време на нивното владеење, вели тој.
Петрушевски порачува дека јавноста заслужува одговори и еднакво владеење на законот за сите.
Затоа го повикуваме ЈО, да ја истражи релацијата на Заев и Филипче во случајот со 30-те тони запленета марихуана, рече пратеникот.
