Стојанче Ангелов, директорот на Дирекцијата за заштита и спасување информираше за најновата состојба со пожарите. Тој рече дека пожарот во Чучер Сандево е целосно изгаснат, и дека сега се гасат пожари во Дојран, над селото Николиќ, и во Македонски Брод, над фабриката Самоков.
Пожарот во Чучер Сандево е целосно изгаснат. Се уште се гледа чадење, но тоа се трупци кои догоруваат. Сега фокусот ни е кон пожарот во Дојран каде има тежок пожар над селото Николиќ. Дејствуваме со хеликоптер врз овој пожар, кој се одвива на стрмен терен. Затоа го користиме хеликоптерот кој со кратки налети доста ефикасно го погодува пожарот кој има само еден активен крак. Туак се пожарникарите од Гевгелија и Валандово, како и од Дојран. Мојата претпоставка е дека во следните часови ќе биде ставен под контрола. Покрај овој пожар, имаме активен и непријатен пожар можам да го проценам најтежок, тоа е пожарот на Македонски Брод над фабриката Самоков, и денеска ќе дејствува ер-трактор, и верувам дека и тој пожар ќе биде ставен под целосна контрола“, рече Ангелов.
