Една постара жена од централен Израел наводно била уапсена од Шин Бет (Израелска безбедносна агенција) под сомнение дека ќе се обиде да го убие премиерот Бенјамин Нетанјаху, објави денеска израелскиот јавен радиодифузен сервис КАН, пренесува Јерусалим пост
Жената е осомничена за планирање напад врз животот на премиерот со импровизирана експлозивна направа.
Таа била уапсена пред две недели, но била ослободена под услов да ѝ биде забранет пристап до сите владини институции и да му се приближува на премиерот.
Во четврток ќе биде поднесено обвинение против неа за заговор за извршување кривично дело и заговор за извршување терористички чин, објави КАН.
