Американскиот актер и мајстор на боречки вештини Чак Норис, запаметен по своите улоги во филмови како „Делта Форс“ и „Исчезнати во акција“, почина на 86-годишна возраст.
Норис почина во четврток наутро на Хаваи, соопштија од семејството.
„Со тешко срце нашето семејство ја споделува информацијата за ненадејната смрт на нашиот сакан Чак Норис. Иако сакаме околностите да ги задржиме во тајност, ве молиме знајте дека тој беше опкружен со семејството и почина мирно.
„За светот, тој беше уметник во боречки вештини, актер и симбол на сила. За нас, тој беше посветен сопруг, грижлив татко и дедо, неверојатен брат и срцето на нашето семејство. Тој го живееше својот живот со вера, цел и непоколеблива посветеност на луѓето што ги сакаше. Преку својата работа, дисциплина и љубезност, тој инспирираше милиони луѓе низ целиот свет и остави траен впечаток врз толку многу животи“, соопшти семејството
