Поранешниот градоначалник на Општина Илинден Жика Стојановски повторно ќе ја бара довербата на жителите, овојпат како кандидат за градоначалник на СДСМ.
Претходно, тој беше градоначалник од ВМРО-ДПМНЕ во четири мандати, а на минатите избори беше независен кандидат.
СДСМ вчера објави уште дека утврдил уште тројца кандидати на вчерашната седница на Извршниот одбор.
Едис Хасан е кандидат за градоначалник на Шуто Оризари, Игор Христов е кандидат за градоначалник на Кочани, а Исуф Синани е кандидат за градоначалник на Долнени.
-Сите кандидати на СДСМ се луѓе со интегритет, докажани кадри со желба за работа и јасна визија за развој на своите општини – соопшти СДСМ.
