Среќен играч од Крањ, Словенија, освои повеќе од 37 милиони евра. Тој ја доби оваа неверојатна добивка на Евроџекпот во последен момент, објавува 24ur. Како што е пропишано со закон, од таа сума веднаш беше одбиен данок од 15 проценти, со што новопечениот милионер стана побогат за неверојатни 31,7 милиони евра, додека неговата општина во која постојано живее ќе добие дополнителни 5,6 милиони евра.
– Со големо задоволство потврдуваме дека среќниот добитник, непосредно пред крајниот рок, ја подигна својата добивка, која беше освоена со комбинација уплатена во Крањ на 23 мај – објави Словенечката лотарија во среда попладне.
Добитниот билет беше уплатен во Крањ, во филијалата на улицата Честа Станета Жагарја 69. Рокот за подигнување е 21 август, па добитникот буквално за малку избегна да го изгуби целиот износ. Доколку не успееше да ги подигне парите во рок од 90 дена, износот ќе беше вратен во фондот на Eurojackpot и според правилата ќе беше префрлен во новото коло.
