Рускиот претседател Владимир Путин изјави дека Москва е подготвена да им обезбеди нафта и гас на европските земји, истакнувајќи дека Русија отсекогаш била сигурен снабдувач со енергија.
„Доколку европските компании и европските купувачи одеднаш одлучат да се преориентираат и да се стремат кон долгорочна, одржлива соработка ослободена од политички притисок, тогаш да, секако. Никогаш не сме одбиле. Подготвени сме да соработуваме и со Европејците“, рече Путин додека зборуваше на состанок за состојбата на пазарот на нафта и гас.
Во исто време, тој истакна дека руската влада разгледува дали би било корисно да се запре снабдувањето со гас за Европа и да се префрли на нови пазари што се отвораат и да се воспостави присуство таму, бидејќи Европската Унија планира да го запре увозот на руски гас во 2027 година.
„Не треба да чекаме вратата да ни биде треснатa пред лицето; треба да го сториме тоа сега и да ги пренасочиме овие количини од европскиот пазар кон поатрактивни дестинации“, рече Путин.
Тој додава дека Русија ќе продолжи да испорачуваме нафта и гас на земјите кои се сигурни партнери.
