Свирепо убиство е расчистено во гостиварско, откако полицијата го пронајде телото на 53-годишната Х.А. од селото Равен, закопано во атарот на селото Неготино.
Клучниот момент во истрагата се случил кога сопругата на осомничениот убиец, Ѓ.В. (48), во полициска станица го признала злосторството. Таа открила дека нејзиниот сопруг С.М. (53) со пиштол ја усмртил жртвата, а потоа полицијата ја одвела до местото каде што било закопано телото.
„Полициски службеници од Надворешната канцеларија за криминалистички работи Гостивар во присуство на јавен обвинител извршија увид на местото во атар на село Неготино каде било пронајдено телото на Х.А.. По наредба на јавен обвинител, телото е дадено на обдукција“, соопштија од МВР.
Против С.М., кој е жител на општина Врапчиште, е поднесена кривична пријава за убиство.
