Контроверзниот претседател на Фондација Македонија, Виктор Стојанов на Фејсбук испрати остри пораки до Бугарите од Македонија, изразувајќи разочараност од нивното однесување. Тој порача дека, според него, дел од нив едно ветуваат во Софија, а сосема поинаку се однесуваат кога се во Македонија, при што јавно ги прозвал имињата на Митко Џокерот од Струмица и Томе Блажески од Охрид.
Во објавата Стојанов напиша дека ако сакаат финансиска поддршка од Република Бугарија, треба да бидат „изјавени Бугари“ во Македонија, а не само во Софија. Тој додаде дека тие што не сакаат јавно да се декларираат и „да немаат проблеми“, можат да бидат Бугари дома.
