На профилот на Инстаграм, WorldTraveler, кој има речиси 2.000 следбеници, се појавија видеа од хрватските продавници, на кои се прикажани цените на производите.
Иако не е познато кој стои зад профилот WorldTraveler, многумина претпоставуваат дека станува збор за странци кои снимале цени во продавниците на хрватскиот брег.
„Пазете се од високите цени во Хрватска“!
„Пазете се од високите цени во Хрватска во 2025 година! Погледнете ги овие луди цени“, пишува во видеата каде се прикажани цените на производите, на пример, чипс кој чини повеќе од 4 евра, додека мало чоколадо е осум евра, а потоа се осврнале и на цените за производите за заштита од сонце.
„Дали е ова грешка што кремата за сончање чини речиси 30 евра? Имате прекрасно море, а тек какви ви се цените!“, напишале тие.
Во коментарите под објавените видеа, некои пишуваат дека Хрватска е толку скапа што никогаш повеќе не би дошле на одмор, додека други веруваат дека е нормално цените на брегот и островите да се повисоки од оние во продавниците на копното.
„Леле, ова е поскапо од Монако“
„Леле, ова е поскапо од Монако и Цирих“, „Нездрава храна во Хрватска? Не, благодарам, тука сум поради рибата и локалните производи“, „Затоа престанавме да ја посетуваме Хрватска. Бевме 11 пати, а сега кога цените се луди, одиме во Грција. Бевме и во Италија и Шпанија… цените таму се понормални“ и „Тоа е на брегот. Не е така во цела Хрватска. Иако, цените навистина се излезени од контрола“, се дел од коментарите на овој профил.
