Судијата во случајот за убиствата на Вања Ѓорчевска и Панчо Жежовски, Ивица Стефановски му одговори на првообвинетиот Љупчо Палевски – Палчо за снимките направени во домот на Велибор Манев, кои денеска беа презентирани од страна на Обвинителството, а на кои Палчо „не се препознавал“.
На снимките јасно се гледаат обвинетите, рече судијата.
Тој додаде и дека кај обвинетите јасно се гледаат уреди за комуникација.
Обвнителката Ана Стојковиќ Димитровска објасни како дошле до снимките.
Тие се прибавени од домот на Манев на 3.12 2023 година и се пренесени на хард диск кој е предаден на судот. Така да не може да стане збор за манипулација со снимките, рече обвинителката, одговарајќи на обвинувањата од Палевски и неговиот бранител Јовица Страшевски.
