Денеска, на исклучително тежок и непристапен терен во близина на Пелистер, успешно беше изведена спасувачка акција за извлекување на повреден планинар со скршеница на нога.
Во акцијата учествуваа тројца припадници на Одделот за воздухопловни единици и четворица припадници на специјалната антитерористичка единица „Тигар“. Упатувам искрена благодарност за нивната пожртвуваност, професионализам и човечност.
Со оваа акција нашите припадници уште еднаш докажаа дека македонската полиција секогаш е таму каде што е најпотребна, особено кога се спасува живот и се делува под најтешки услови, објави на ФБ министерот за внатрешни работи , Панче Тошковски.
