Американскиот претседател Доналд Трамп објави дека американските сили спасиле член на екипажот на борбен авион Ф-15, кој бил тешко повреден откако се урна над Иран.
Трамп на социјалната мрежа Truth Social изјави дека пилотот е пронајден „длабоко во планините на Иран“ и дека иранските сили се во близина.
„Иранската војска интензивно го бараше, во голем број, и беше блиску“, рече тој.
Тој додаде дека е висок офицер и дека спасувачката операција била исклучително ризична.
„Ваквите операции ретко се спроведуваат поради опасноста за луѓето и опремата“, рече тој.
Според достапните информации, ова е една од најризичните операции за спасување во тековната војна , во која американските сили дејствуваа длабоко на територијата на Иран.
Кратко потоа, тој објави нова порака во која повторно му се закани на Иран.
„Вторник ќе биде Ден на електраната и Ден на мостот, сите споени во едно, во Иран. Нема да има ништо слично. Отворете го проклетиот теснец, луди копилиња, или ќе живеете во пекол – само гледајте“, напиша Трамп, додавајќи „фала му на Алах“ на крајот.
Трамп претходно се закани дека ќе ја нападне енергетската инфраструктура на Иран ако Техеран не го отвори Ормутскиот теснец.
