Политичкиот аналитичар Љуљзим Фаризи, во соноќешната „Само вистина“ на Канал 5 изјави дека не е убеден дека одлуката на Алијанса за Албанците за самостоен настап на локалните избори не била донесена од Партијата.
„Алианска за Албанците не донела одлука, се знае како се носат одлуки, ајде нека го извадат записникот дека се гласало, се знае како се носат одлуки со мнозинство на гласови.
Излезе Таравари на прес конференција еден двајца се смешкаат другите поцрнети, бидеќи тие се против Ахмети и ДУИ.
Еве и нека оди на локалните избори, тој не може да биде градоначалник без гласовите на ВМРО-ДПМНЕ. Потоа што ќе прави „Леси ќе се врати дома“, – рече Фаризи додавајќи дека „по тоа пак ќе се врати во влада, нема каде да оди“.
Според него, не може мала политичка партија на Албанците да функционира ако нема власт, бидејќи се политички партии клиентелисти.
„Таравари има притисок внатре во партијата. Тој кога се договарал се договорил за 35% и има толку места во собранието – но во власта има 25%, a Алтернатива има исто толку што според анкетите има помалку гласови, имам информации дека се лажеле меѓу себе како коалициони партнери“ рече Љуљзим Фаризи.
