Црн двоглав орел на албанското знаме како го дави белиот орел, симбол на српското знаме, осамна на билборд во Ваљево, пренесува српски Блиц.
Што точно се случило засега не е познато, освен што реакцијата на оваа сцена, барем на социјалните мрежи е доста бурна. Фотографијата е објавена на страната на Инстаграм valjevo_live.
По коментарите на фотографиите се јави човек кој вели дека е сопственик на билбордот.
„Јас сум сопственик на билбордот кој беше хакиран синоќа. Штом дознав го исклучив, а случајот ќе биде пријавен до надлежните органи“, пишуваше под објавата.
