По контроверзниот настап на Светлана Ражнатовиќ – Цеца во Велес, каде што пејачката се покри со бугарско знаме, не изостанаа ниту реакциите од јавноста, но и од нејзините колеги. Меѓу првите што остро реагираше беше Јелена Карлеуша, која преку социјалните мрежи упати жестоки критики кон Цеца.
Настапот на Цеца, на кој доби бугарско знаме од публиката и го развеа на бината во спортската сала „Гемиџии“, предизвика масовни осуди и негодување и во салата и на интернет. Македонската јавност остро го осуди потегот, а видеата од моментот станаа вирални.
Додека обожавателите на Цеца ја оправдуваат дека станало збор за недоразбирање, други сметаат дека гестот бил свесен и навредлив. Судејќи по реакциите, конфликтот меѓу двете српски ѕвезди – Цеца и Карлеуша – добива ново поглавје, овојпат пред очите на целата регионална публика.
