Директорите на Македонска навигација (М-НАВ) не ја пуштиле контролорката на летање, делегирана од Синдикатот на контролори на летање, да присуствува нa интервјуата со кандидатите на повторениот оглас за вработувања на места за почетни плати од над 1.000 евра, пренесе Телма.
Ѝ кажале дека ако сака, може да гледа и да потврдува дека кандидатите влегле на интервју, а директорите преку тоа добиле можност за ексклузивно бирање на нови вработени.
-Не сме шпиони за да ѕиркаме низ клучалка, туку да потврдиме дека најдобрите кандидати се избрани. Тоа е согласно Колективниот договор, вели во телефонски разговор за ТЕЛМА, Александар Тасевски, претседател на Синдикатот на Контролата на летање.
