Американците денес ја одбележуваат годишнината од најпознатиот терористички напад во историјата, оној врз Светскиот трговски центар во Њујорк и Пентагон во Вашингтон, извршен од членови на Ал-Каеда со помош на киднапирани патнички авиони.
Овој датум се посветува секоја година на сеќавањето на трагедијата од 11 септември 2001 година, која ги потресе не само Соединетите Американски Држави, туку и остатокот од светот. Историчарите се согласуваат дека терористичкиот напад врз Соединетите Американски Држави го промени текот на историјата и дека светот по 11 септември не беше ист.
Во огнот и чадот од 11 септември, светот го сретна Осама бин Ладен. Во нападот врз Соединетите Американски Држави пред 22 години, загинаа нешто помалку од три илјади луѓе, а од пепелта на симболот на американската економска моќ се издигна најголемата терористичка закана од тоа време – Ал-Каеда.
Тогашниот претседател на САД, Џорџ Буш, им објави војна на терористите, а по десет години криење, Бин Ладен беше убиен во Пакистан.
При уривањето на кулите на СТЦ, се урнаа тони челик, бетон, стакло и азбест, а многумина што работеа и помагаа на „Земјата на нулата“ се разболеа поради канцерогени супстанции.
Покрај Њујорк, низ САД се најавени комеморации.
Во годините по 11 септември 2001 година, следеше одмазда од страна на САД и нивните сојузници, а последиците ги почувствуваа од прва рака исламските верници, кон кои САД зазедоа многу суров став, и дома и во странство.
Слушнете ја една од најтажните снимки од тој ден, која стои како споменик на сеќавањето на една од најголемите трагедии на почетокот на овој милениум и бројните невини животи изгубени тој ден…
