Државната изборна комисија разреши 2 Избирачки одбори од 2 избирачки места во Шуто Оризари, откако Управниот суд ги поништи резултатите од гласањето по тужбата на Движењето „Одлучно за промени“ кое ја поднесе против решението на ДИК. Од Комисијата го повикаа Обвинителството ова да го смета како информација по допрен глас против членовите на овие два избирачки одбори.
-Ова може Обвинителството да го смета слободно како информација по допрен глас, така да и без посебно некое наше известување може да се заинтересира, ние ќе ја доставиме целокупната наша документација, евентуално доколку има основи, на кој начин, случајно, намерно, од кого, кога се направени ваквите пропусти и дали има простор за евентуална одговорност и постапување, вели претседателот на ДИК, Борис Кондарко.
Кондарко кажа дека со ова испраќаат порака дека нема да се толерира никакво незаконско работење на Избирачките одбори.
Покрај што ќе се разрешат одборите, од ДИК кажаа дека по расветлување на фактичката состојба треба да ги известат и работодавачите бидејќи лицата се јавни службеници вработени во јавен сектор.
-За наведените Избирачки места до Државната изборна единица е доставен записник број 16 во оригинал. Како таков тој записник има третман на доверлив материјал и истиот има својство на јавна исправа. Така да ако некој, согласно одлуките на Управниот суд се дрзнал во јавна исправа да внесе податоци кои што не одговараат на реалната фактичка состојба, укажувам дека тоа е кривично дело, вели Ангелчо Ристов од ДИК.
Нови членови на избирачките одбори на избирачките места 2962 и 2966 во Шуто оризари, ќе се назначат на утрешната седница на ДИК откако ќе се дочекаат сите одлуки на Управниот суд. Тие ќе бидат од други општински одбори каде е завршено гласањето Од Комисијата за утре најавија целосни конечни резултати каде ќе има гласање во втор круг каде се завршени изборите во прв круг.
