Бранителот, Асмир Алиспахиќ на родителот кој денеска доби казна затвор од 11 месеци, бидејќи на 24 август на стадионот „Бело Брдо“ на фудбалскиот натревар меѓу младинските екипи на Брегалница и Шкупи учествуваше во инцидентот, а во кој беа повредени двајца 15 годишни фудбалери најави желба на пресудата до Апелациониот суд во Штип. Алиспахиќ вели дека очекувале ослободителна пресуда, бидејќи неговиот клиент, 43 годишниот родител не ги тепал 15 годишните фудбалери во спорната 89 минута на натреварот меѓу младинските екипи на Брегалница и Шкупи на 24 август.
-Секако дека обраната не е задоволна од ваквата изречена пресуда, со оглед на теоријата на случај, која ја застапуваше од самиот почеток, а тоа е дека истиот воопшто не ги преземал дејствијата, коишто му се ставаат на товар. Ова е неправосилна пресуда, по добивањето на писмената пресуда, секако дека ќе го искористиме правото да вложиме жалба до повисокиот суд, вели Алиспахиќ.
Прашан која е тезата на одбраната и дали имало насилство на теренот, бранителот Алиспахиќ со одговор дека не само што немало насилство од страна на неговиот клиент, туку, како што вели, не ги ни сторил тие дејствија што му се ставаат на товар.
-Се случува еден немил настан помеѓу децата на двете екипи, Фудбалскиот клуб Шкупи и Фудбалскиот клуб Брегалница. Но, тие немили настани не ги инволвираат родителите на двата клуба, туку родителите на двата клуба се обидуваат да ги спречат тие немили настани, којшто се случуваат помеѓу децата, фудбалерите на двете екипи. Токму и она што како перцепција можевме да го видиме во јавноста е пристап на родители со цел да се раздвојат децата, со цел да не се создаде поголема конфузија и нервоза, рече Алиспахиќ.
Од Основното јавно обвинителство за МИА велат дека пресудата за овој случај е денеска изречена во штипскиот Основен суд. Откако ќе биде прочитана, разгледана, обвинителството ќе оцени дали ќе поднесе жалба до повисокиот суд, односно до Апелациониот суд во Штип.
