Кого да слушаат жителите на Струмица дали да ја пијат водата? Од Агенцијата за храна и ветеринарство велат не. Од друга страна градоначалникот Костадин Костадинов одговорно тврди дека водата е безбедна и може да се пие.
Попладнево Агенцијата за храна и ветеринарство излезе со соопштение дека останува на сила забраната за пиење водата од струмичкиот водовод.
Во анализата, утврдено е дека нивото на манган е во рамките на дозволените вредности, но четири од земените мостри покажуваат зголемено присуство на колиформни бактерии, што не ги исполнува безбедносните стандарди. Контролата имала за цел да ги процени досегашните активности на ЈКП „Комуналец“ во однос на производствената и хигиенската пракса во системот за водоснабдување.
По ова соопштение Костадинов реагираше на социјалните мрежи со тврдење дека водата може да се пие.
Одговорно тврдам, а потврда за тоа ќе бидат резултатите кои утре повторно ќе бидат објавени, дека водата во Струмица е исправна и хемиско-физичкиот состав и микробиолошки, објави вечерва на својот фејсбук профил градоначалникот на Струмица, Костадин Костадинов
Кој е во право во оваа рашомонијата меѓу инститиците? Наместо да се заложат и проблемот да го решат што поскоро за граѓаните да добијат исправна вода за пиење, тие се препираат меѓу себе на грбот на граѓаните.
Фунционерите без разлика дали се од локалната или централна власт, треба да сфатат дека се избрани од народот и треба да работат во служба на народот. Во спротивно граѓаните своето незадоволство ќе го испорачаат на следните избори.
