Во ексклузивно интервју за Ал Џезира, иранскиот министер за надворешни работи, Абас Арагчи, вели дека, по смртта на Хамнеи, нов врховен лидер може да биде избран за „еден или два дена“.
Ова доаѓа откако Техеран објави привремено раководство за кое Арагчи вели дека „ќе дејствува како раководител на раководството пред да се избере нов лидер“.
Тој додава дека нападите на Иран се „чин на самоодбрана и одмазда на американската агресија против нас“.
Арагчи, во интервјуто го коментираше и убиството на Хамнеи.
„Апсолутно е без преседан и големо кршење на меѓународното право лидер на друга земја да биде убиен од странски сили. Тоа би го направило овој конфликт – оваа агресивна војна од страна на Американците против нас – уште поопасен и покомплициран, а можеби би додало и нови аспекти“, изјави тој за Ал Џезира.
Иранскиот министер нагласи дека тие „не ги напаѓаат нивните браќа во Персискиот Залив, туку напаѓаат американски цели.
-Ние немаме проблем со земјите од другата страна на Персискиот Залив, имаме пријателски односи и добрососедски односи со сите нив и сме решени да продолжиме со овие односи. Она што го правиме е всушност чин на самоодбрана и одмазда на американската агресија против нас. Ние не ги напаѓаме нашите браќа во Персискиот Залив, ние не ги напаѓаме нашите соседи, туку напаѓаме американски цели, нагласи Арагчи.
Арагчи, изјави дека земјата во моментов нема намера да го затвори Ормутскиот теснец, ниту пак планира да направи „нешто што би го нарушило движењето по него во оваа фаза“
