Меѓународната референтна цена на суровата нафта од типот „Брент“ денес се искачи над 103 долари за барел. Порастот доаѓа по медиумските извештаи дека САД пресретнале најмалку три ирански танкери во азиските води, што дополнително ја зголеми неизвесноста на пазарите и стравувањата дека конфликтот на Блискиот Исток нема да заврши наскоро.
Според податоците од берзите во 9:30 часот, цената на суровата нафта пораснала за 1,31 отсто на 94,213 долари, додека нафтата „Брент“ забележа зголемување од 1,39 отсто на 103,304 долари. Европските фјучерси за гас за мај, на отворањето на берзата TTF во Амстердам, се тргуваа по 44,110 евра за мегават-час.
Вредноста на еврото во однос на доларот изнесува 1,17031 долар. Цената на златото падна на 4.712,66 долари за унца, додека пченицата поскапе на 6,0376 долари за бушел.
И покрај тензиите, американските берзански индекси забележаа раст: „Dow Jones“ порасна за 0,69 отсто на 49.490,03 поени, „S&P 500“ за 1,05 отсто на 7.137,90 поени, а „Nasdaq Composite“ за 1,64 отсто на 24.657,57 поени.
