Во пресрет на празникот Курбан Бајрам, Општина Чаир во соработка со ЈП „Комунална Хигиена“ реализира проширена акција за чистење и одржување на јавните површини во различни населби на општината.
-Населба по населба и улица по улица, сезонските работници на општината заедно со теренските екипи се ангажирани во чистење на улиците, тротоарите и јавните простори, со цел создавање почиста и поуредена средина за граѓаните за време на празникот, соопштуваат од Општината.
Оттаму додаваат дека вчера во то текот на денот биле реализирани и активности за чистење и уредување на дворовите на џамиите на територијата на општината, додека акцијата продолжила и во текот на ноќните часови, согласно потребите на терен.
Општина Чаир апелира за зачувување на чистотата и заедничка грижа за јавните површини, со цел празникот да се дочека во достоинствена и уредена средина за сите граѓани
