Македонската ракометна репрезентација утре игра против селекцијата на Катар во 15:30 часот.
Селекторот Кирил Лазаров потенцира дека противникот досега покажал и докажал дека воопшто не е наивен.
-Катар одигра неколку одлични натпревари на Светското првенство. Тоа е борбена селекција со многу натурализирани ракометари, кои прават разлика на теренот. Нè очекува ептен неизвесен натпревар. Очекувам уште еднаш да бидеме на високо ниво, ќе видиме дали тоа ќе биде доволно за позитивен резултат, вели Лазаров.
