Корисниците на социјалните мрежи останаа шокирани од фотографиите на „чудно суштество со пипала“, кое морето го исфрли на брегот на Австралија.
„Никогаш не сум видела нешто слично“, напиша Вики Еванс по објавувањето на страницата на Фејсбук „Природата никогаш не престанува да восхитува“.
Шетачи забележале „необично тело“ исфрлено на брегот во Порт Елиот, пренесува New York Post.
Сведоците го опишале како „желатинозна маса со еден куп школки“, а корисниците на Фејсбук останаа без зборови.
„Изгледа како вонземјанин“, „Ова е најчудното нешто што сум го видел“, „Навистина е долго, кога ќе го споредите со куче“, гласат дел од коментарите.
Во меѓувреме, експертите се огласија и открија дека станува збор за вид членконоги (Pollicipes pollicipes) кој се прицврстува на пловечки предмети, докови и повремено плива на брегот.
Екологот од Универзитетот во Јужна Австралија, д-р Зои Доблдеј, смета дека „дел од колонијата“ се отцепила од мајката и завршила на брегот.
„Тие мора да биле долго време во водата кога ја направиле оваа маса“, рече таа.
Иако наликува на школки, овој вид членконоги е поблизок до јастозите и раковите. Се смета за деликатес, особено во Португалија и Шпанија, каде што се служи со путер.
