Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Муцунски: Доколку го ставиме фокусот на реални реформи, ќе бидеме една од земјите која најбрзо ќе се движи кон полноправно членство во Унијата
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ПОЛИТИКА > Муцунски: Доколку го ставиме фокусот на реални реформи, ќе бидеме една од земјите која најбрзо ќе се движи кон полноправно членство во Унијата
ПОЛИТИКА

Муцунски: Доколку го ставиме фокусот на реални реформи, ќе бидеме една од земјите која најбрзо ќе се движи кон полноправно членство во Унијата

Објавено December 6, 2024 11:20
Сподели
Сподели

Во интервју за политичкиот магазин „360 степени“, министерот за надворешни работи, Тимчо Муцунски, од Брисел говореше за членството на државата во Европската Унија, уставните измени и нивната одложена примена, како и расположението кај земјите членки за забрзување на процесот на нашата интеграција во европското семејство.

На прашањето за одложената примена на уставните измени, Муцунски изјави дека претставувањето на оваа позиција не подразбирало дека ќе се изнајде решение преку ноќ, туку дека станува збор за принципиелна позиција која ги штити националните интереси.

„При претставувањето на позицијата за ‘одложена примена на уставните измени‘ не ветивме дека преку ноќ ќе се изнајде решение, но велиме дека имаме принципиелна позиција и тоа го аргументираме пред меѓународната заедница, земјите членки и европските институции. Со овој пристап го штитиме националниот интерес, односно да не бидеме во ситуација, како што сме биле во минатото, со неочекувано вето, а воедно го штитиме и среднорочниот и долгорочниот кредибилитет на Европската Унија“, изјави Муцунски.

Тој додаде дека ставот за одложената примена е презентиран на многу средби и ја покажува подготвеноста на Владата за компромис, но компромис кој носи извесност.

„Многу од соговорниците од Европската Унија сметаат дека нашиот пристап е логичен, коректен и соодветен, но тоа е пристап што бара прифаќање од Бугарија како наш сосед“, додаде Муцунски, нагласувајќи дека Европската Унија е базирана на култура на компромиси.

„Од брзоплети односи базирани на апстрактни рокови сме тука каде што сме, со нови блокади и ветo. Затоа не е логично да работиме со рокови, туку со принципи и јасен став, како што работиме во моментов.“

Во однос на можноста за изнаоѓање решение за продолжување на евроинтеграцискиот пат, министерот Муцунски истакна дека Европската Унија не може да си дозволи дополнително одолговлекување на проширувањето со Западен Балкан.

„Гледано од геостратешки аспект, Европа не може да си дозволи политичко-безбедносен вакуум во нашиот регион. Ние сме земја која е целосно усогласена со заедничката безбедносна политика на ЕУ и која усвои реформска агенда. Ќе продолжиме со реформите во сите области, следејќи ги препораките на Европската Унија.“

Министерот го истакна и личното уверување дека, доколку се стави фокус на реални реформи, ќе бидеме една од земјите која најбрзо ќе се движи кон полноправно членство.

„Доколку навистина се насочиме кон европските реформи, проактивно и со конкретни мерки, ќе биде тешко за било која земја на подолг рок да нè блокира. Кога имате земја што е целосно усогласена со ЗНП и која на дело спроведува реформи, товарот за тоа припаѓа на Владата, на министрите, но и на невладиниот сектор и медиумите. Треба заеднички да се движиме низ тој процес, да ја реформираме државата, и немам сомнеж дека ќе бидеме една од земјите која најбрзо ќе се движи кон полноправно членство во моментот кога Унијата ќе се отвори за нови членови“, заклучи министерот Муцунски.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Трамп го назначи Дејвид Сакс за советник за вештачка интелигенција и криптовалути
Следна Статија Уапсен државјанин на Турција, пронајдени осум мигранти во возилото кое го управувал

БИ МОЖЕЛО ДА ВЕ ИНТЕРЕСИРА

ПОЛИТИКА

Чекањето автобуси што не доаѓаат во Бутел Шукова ќе го решава со БРТ: Овој систем ќе ја намали социјалната и економска отсеченост на бутелчани

„Бутел не е далеку од центарот, но е далеку од основните услови за достоен градски живот“, порача денес кандидатката за…

October 3, 2025
ПОЛИТИКА

Божиновска: Македонка сум и секогаш ќе бидам Македонка, тоа никој не може да ми го оспори

Јас сум родена во Скопје, Македонка сум и секогаш ќе бидам Македонка. Тоа никој ниту може, ниту смее да го…

October 6, 2024
ПОЛИТИКА

Мицкоски има доверба во Изет Меџити, на ДУИ им порача да достават докази

Премиерот Христијан Мицкоски рече дека има доверба во работењето на Изет Меџити, а им порача на Демократската унија за интеграција…

February 24, 2025
ПОЛИТИКА

Филипче: Економијата е во пад, ништо од балканскиот економски тигар на Мицкоски

Претседателот на Социјалдемократскиот сојуз на Македонија, Венко Филипче, на граѓанската трибина „Се бориме за нашиот дом“, што се одржа во…

October 4, 2025
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?