Лидерот на милитантната група Хајат Тахрир ал-Шам, Абу Мохамед ал-Голани, чии сили вчера упаднаа во сирискиот град Алепо, наводно е убиен во руски воздушен напад, според непотврдени извештаи на арапските медиуми.
Претходно руското Министерство за одбрана објави дека нивните воздушни сили извршиле напади врз сириските бунтовници како поддршка на сириската армија, јавуваат руските агенции.
Ахмед Хусеин ал-Шара, познат по името Абу Мохамед ал-Голани е еден од најбараните терористи во светот.
САД понудија награда од 10 милиони долари за информација што ќе доведе до негово апсење.
Неговата група ХТС, порано позната како Фронт Нусра, беше прогласена за терористичка организација од САД, Русија, Турција и други земји.
Сирискиот претседател Башар ал Асад, близок сојузник на Москва, постојано ја обвинува оваа група за терористички активности во земјата.
